"بۆ هەموو شارەکانی دیکەش دەخوات"
هەزەی کۆیە چۆڵ و هۆڵە و بە 25 خولەک ئیشت رایی دەکرێت
964+
دەریا ئەحمەد – کۆیە
پێچەوانەی هەولێری پایتەخت، هەزەی کۆیە چۆڵ و هۆڵە و کەی بتهەوێ، دەچیتە ژوورەوە و بە کەمتر لە 25 خولەک رزگارت دەبێ.
رۆژانە لە هەولێر بەسەدان ئۆتۆمبێل لە بەردەم شوێنەکانی پشکنینی ساڵانەی ئۆتۆمبێڵ بەتایبەتیش لە شەقامی 32 پارک و گەڕەکی کەس نەزان دەوەستن، خەڵک هەیە لە پارشێوەوە دەچێتە سەرەوە بۆ ئەوەی بە رۆژێک ئیشەکەی رایی بکرێت، بەڵام ئەوەتا هەزەی کۆیە بەردەوام خەڵوەتە و کەس رووی تێناکات.
محەمەد رەحمان بەڕێوەبەری هەزەی کۆیە بە 964ـی وت، “هەندێک لە هاوڵاتیان پێیانوایە، هەزەی کۆیە بۆ شارێکی دیکە نابێ، بەڵام لە خانەقینەوە تا زاخۆ هیچ جیاوازییەکی نییە و دەتوانین لێرە بە کاتێکی کەم و کەمتر لە 25 خولەک ئیشەکەی بۆ بکەین”.
ئاماژەی بەوەشکرد، لە کۆیە هەردوو بەشی هەزە و پشکنینی بەڕادیشی لێیە، تەنیا کێشەی ئەوان ئەوەیە کە ساڵیانەی ئۆتۆمبێلیان نییە و ئەو شۆفێرانەی بیانەوێت ساڵیانە تازە بکەنەوە، دەبێ بچنە هەولێر.
پێداچوونەوە؛ شۆڕش قادری
