ریال مه‌درید له‌گه‌ڵ دۆسته‌ كه‌ته‌لۆنییه‌كانی یاریی هه‌یه‌

ئه‌رسه‌لان عه‌بدوڵڵا

ئه‌مڕۆ شه‌ممه‌ 11.3.2023 له‌ گه‌ڕی 25ی خولی ئیسپانیا یانه‌ی ریال مه‌درید له‌گه‌ڵ یانه‌ی ئیسپانیۆل یاریی ده‌كات، كه‌ تیپێكی شاری بارسێلۆنایه‌ و به‌ دۆستی مه‌دریدییه‌كان ناسراون.

ریال مه‌درید هه‌وڵ ده‌دات جیاوازیی خاڵه‌كانی له‌گه‌ڵ بارسێلۆنای پێشه‌نگ كه‌م بكاته‌وه‌، كه‌ ئێستا 9 خاڵ له‌ یه‌كتره‌وه‌ دوورن، بارسا به‌ 62 خاڵ له‌ پله‌ی یه‌كه‌مه‌ و ریالیش 53 ساڵ له‌ پله‌ی دووه‌مه‌.

كه‌ریم بنزێما، مێندی و ئالابا، سێ دیارترین یاریزانی ریال مه‌دریدن، كه‌ ئه‌مڕۆ به‌هۆی پێكانه‌وه‌ به‌شداریی ناكه‌ن.

ئیسپانیۆڵ، كه‌ ئێستا له‌ پله‌ی 13یه‌ به‌ 27 خاڵ، تیپی دووه‌می هه‌رێمی كه‌ته‌لۆنیایه‌ و به‌وه‌ش ناسراون، پشتگیریی حكومه‌تی ئیسپانیا ده‌كه‌ن.

خشته‌ی یارییه‌كانی ئه‌مڕۆ:

ریال مه‌درید – ئیسپانیۆڵ 16:00
ئێڵچی – ڤایادۆلید  18:15
سێلتاڤیگۆ – رایۆڤاییكانۆ  20:30
ڤالێنسیا – ئۆساسۆنا  23:00.