"پلانی جێگرەوەم هەیە"
ترەمپ بڕیارەکەی دادگای باڵای ئەمریکای بە شەرمەزارکەر وەسفکرد
964+
شۆڕش قادری
دۆناڵد ترەمپ بڕیاری دادگای باڵای وڵاتەکەی بۆ هەڵوەشاندنەوەی پێناسی گومرگی بە شەرمەزارکەر وەسفکرد و دەڵێت، پلانی جێگرەوەی هەیە.
دۆناڵد ترەمپ سەرۆکی ئەمریکا لە کۆنگرەیەکی رۆژنامەوانیدا رایگەیاند، “دادگای باڵا لە بەرژەوەندی وڵاتانی دیکە بڕیاریداوە و هەست بە شەرمەزاری دەکەم بەهۆی هەڵوێستی بەشیک لە ئەندامانی دادگا”.
ئاماژەی بەوەشکرد، واز لە ئامانج و نیەتەکانی ناهێنێت و پلانی جێگرەوەی هەیە بۆ جێبەجێکردنی پێناسی گومرگی.
دۆناڵد ترەمپ بڕیاریدابوو بە جێبەجێکردنی پێناسی گومرگی باجێکی زۆر بخاتە سەر ئەو کاڵا و شتومەکانەی کە لە وڵاتانی دیکەوە دەبرێنە ناوخۆی ئەمریکا، بەو ئامانجەی خەڵک ناچاربێت کاڵای ناوخۆیی بکڕێت، بەڵام ئەمڕۆ دادگای باڵای ئەمریکا ئەو بڕیارەی ترەمپی بە نایاسایی دانا و هەڵیوەشاندەوە.
