شیرینیە دەست بەسەرداگیراوەکان
خاوەنەکەی روبەڕوی یاسا دەکرێتەوە
دەست بەسەر 50 کارتۆن شیریندا لە چەمچەماڵ گیرا
964+
ئەحمەد مستەفا
لە چەمچەماڵ بەهۆی نەبوونی مۆڵەت و مەرجەکانى تەندروستی، لە کۆگایەکدا دەستیان بەسەر 50 سینی و کارتۆن شیرینیدا گیرا، خاوەنی ئەو شوێنە رووبەڕووى یاسا دەکرێتەوە.
لیژنە هاوبەشەکانی قایمقامییەتی چەمچەماڵ لە راگەیەندراوێکدا ئەمڕۆ پێنجشەممە بڵاوی کردەوە، لە چوارچێوەى کار و چالاکییەکانى لیژنەکەیاندا بەهۆی نەبوونی مۆڵەت و مەرجەکانى تەندروستی، دەستیان بەسەر 50 سینی و کارتۆنی شیرینی لە کۆگایەکدا گرت.
وەک وێنەکانی بڵاوکراونەتەوە، شیرینییەکان تێکەڵ بە یەک بوون، هیچ مەرجێکی تەندروستییان تێدا بەدی نەکراوە.
وەک باسیان کردووە، خاوەنی ئەو شوێنە رووبەڕووى یاسا دەکەنەوە و بەپێی یاسا مامەڵەى لەگەڵ دەکەن، لیژنە هاوبەشەکانی قایمقامییەت داوا لە هاوڵاتییان دەکات، لە کاتی بینینی هەر سەرپێچیەکدا پەیوەندییان پێوەبکەن، بۆ ئەوەى رێکارى پێویست لە بەرامبەر سەرپێچیکاران بگرنەبەر.
