"پیاز و لالەنگیشمان بینیوە"
لە هەولێر کەسێک چەپکێک هێلکە و گوڵی بۆ قلەکەی ئامادە کردووە
964+
عەبدولعەزیز خالند – هەولێر
ئەمڕۆ رۆژی خۆشەویستییە و هەر کەسەو بەجۆرێک دڵی خۆشەویستەکەی خۆش دەکات، لە هەولێر کەسێک چەپکێک هێلکە و گوڵی بۆ قلەکەی ئامادە کردووە و بەو شێوەیە دەیەوێت دڵی بەدەست بهێنێت.
هەرێم پوشۆ گوڵفرۆشە و قسەی بۆ مایکی 964 کردووە، ئەو دەڵێت، “دوێنێ شەو کەسێک هات، هەندێک هێلکەی لەگەڵ خۆی هێنا و وتی لەگەڵ چەند گوڵێک بۆم بکەن بە چەپکە و بەدیاری دەیبەم بۆ خۆشەویستەکەم”.
“دیارە برادەرەکەی عاشقی هێلکەیە و هێلکەخۆرە، بۆیە ئەم ئیشەی کردووە”، هەرێم پوشۆ وای وات.
ئاماژەی بەوەش کرد، لەم رۆژەدا بابەتی سەیر و سەرنجڕاکێش دەبینن و هەبووە، لەبری گوڵ و پارە، پیاز و لالەنگی بۆ خۆشەویستەکەی دەکاتە دیاری.
پێداچوونەوە؛ شۆڕش قادری
