نرخی نەوت سێ رۆژە بە 61 دۆلار مامەڵەی پێودەکرێت

توانا نەقی

دوای ئەوەی لە چەند رۆژی رابردوودا نرخی نەوت بەشێوەیەکی بەرچاو دابەزی، بۆسێیەم رۆژ لەیەک نرخەکە را رادەیەک جێگیرە و هەر لە 61 دۆلار دایە هەرچەندە لە چاو دوێنێ ئێوارەدا کەمێک بەرزبووەتەوە.

ئەمڕۆ چوارشەممە 31.12.2025 و لەکاتی کردنەوەی بازاڕی جیهانی نەوت، نرخی هەر بەرمیلێک نەوتی خاوی برێنت بە 61 دۆلار و 43 سەنت دیاری کراوە و مامەڵەی پێوە دەکرێت.

هاوکات هەر بەرمیلێک نەوتی خاوی تێكساس بە 58 دۆلار و 04 سەنت مامەڵەی پێوەدەکرێت.

لە چەند رۆژی رابردوودا نرخی نەوت رووی لەدابەزین کرد و سەرچاوەکانی بازاڕی جیهانی، بە پشتبەستن بە زانیارییەکانی دامەزراوەی نەوتی ئەمریکی (API) ئاشکرایانکرد، عەمباركردنی نەوتی خاو و بەنزینی ئەمریکا بەرزبووەتەوە، ئەوەش یەكێک بوو لە هۆکارەکانی دابەزینی نرخی نەوت.