لە رێگای نێوان رانیە – سماقوڵی تانکەرێک وەرگەڕا – وێنە؛ هاتوچۆی کۆیە
زیانی ماددی لێکەوتەوە
لە رێگای نێوان رانیە – سماقوڵی تانکەرێک وەرگەڕا
964+
شۆڕش قادری
درەنگانی شەوی رابردوو لەسەر رێگای نێوان رانیە – سماقوڵی تانکەرێک وەرگەڕا و شۆفێرەکەی سەلامەت دەرچوو.
بەڕێوەبەرایەتی هاتوچۆی کۆیە چەند وێنەیەکی رووداوەکەی بڵاوکردووەتەوە و نووسیویەتی، شەوی رابردوو لە رێگای نێوان رانیە – سماقوڵی ئۆتۆمبێلێک لە جۆری بارهەڵگر لە رێڕەوی خۆی لایداوە و وەرگەڕاوە.
ئاماژە بەوەشکراوە، رووداوەکە زیانی گیانی نەبووە و تەنیا زیانی ماددی لێکەوتووەتەوە.
هاتوچۆی کۆیە داوای لە شوفێران کردووە، پابەندی هێماکانی شەقام و رێنماییەکانی هاتوچۆ بن بۆ ئەوەی دووربن لە کارەسات و رووداوی نەخوازراو.
