تیمەکان سەرقاڵی کردنەوەی رێگاکەن
شاخی هەیبەت سوڵتان داڕما و رێگای نێوان کۆیە و راپەڕین پەکی کەوت
964+
دەریا ئەحمەد – کۆیە
بەشێکی شاخی هەیبەت سوڵتان داڕما و رێگای نێوان کۆیە و راپەڕین پەکی کەوت.
بە درێژایی زیاتر لە 50 مەتر تاشەبەرد و چەو و لم کەوتوونەتە سەر رێگای سەرەکی هەیبەت سوڵتان لە نێوان کۆیە و ئیدارەی سەربەخۆی راپەڕین و چەند عەمودێکی کارەباش هەر بەو هۆیەوه کەوتوون.
کۆسار حەمەد بەڕێوەبەری ئاوەدانکردنەوەی کۆیە بە 964ـی وت، “بە شۆفەڵی خۆمان لە هەوڵی کردنەوەی رێگاکەداین، بەڵام بەهۆی گەورەیی شاخەکەوە لە توانای شۆفەڵدا نییە و ئێمەش وەک ئاوەدانکردنەوە کەرەستەی پێویستمان نییە، بۆیە وا لە هەوڵداین حەفارە بەکرێ دەگرین”.
بەپێی ئاماری بەشی کەشناسی لە بەرێوەبەرایەتی کشتوکاڵی کۆیە لە 24 کاتژمێری رابردوودا 65 ملم باران باریوە و بۆ یەکەم جاریشە شاخی هەیبەت سوڵتان بەم قەبارە گەورەیە دادەڕمێت.
پێداچوونەوە؛ شۆڕش قادری
تونێلی هەیبەت سوڵتان؛ چارەنووسێکی نادیار و ملیارەها دیناری بەهەدەرچوو
