حاڵەتێکی کتوپڕ و خوێنبەری سەرەکە بڕیبوو
لە نەخۆشخانەی فێرکاری رانیە نەشتەرگەرییەکە کاریگەر سەرکەوتوو بوو
964+
فەرهاد حەسەن
تیمە پسپۆڕەکانی بەشی نەشتەرگەریی ئێسک و شکاویی و بێهۆشکاریی لە نەخۆشخانەی فریاکەوتنی رانیە، رووبەڕووی حاڵەتێکی کتوپڕی مەترسیداربوونەوە، ئەویش گەنجێک بوو و خوێنبەربوونێکی زۆری لێ دەبیندرا.
گەنجەکە، بەهۆی برینی چەقۆوە لە بەشی ناوەڕاستی قۆڵی چەپیدا، دووچاری بڕانی قووڵی ماسولکەکان و خوێنبەرە سەرەکییەکان ببوو و مەترسی لەسەر ژیانی درووست کردبوو.
نەخۆشخانەکە دەڵێت، بە مەبەستی رزگارکردنی ژیانی نەخۆشەکە، دەستبەجێ رێکارەکان گیرانەبەر و نەخۆشەکە گوازرایەوە بۆ ژووری نەشتەرگەری، دوای بەکارهێنانی تۆرنیکێت (Tourniquet) و کۆنتڕۆڵکردنی خوێنبەربوون، لەلایەن تیمی نەشتەرگەرییەوە گەڕان و پشکنین بۆ شوێنی برینەکە کرا، خوێنبەرە زیانپێکەوتووەکان بە وردی بەسترانەوە و ماسولکە و پێستی نەخۆشەکەش چاککرانەوە.
ئاماژە بەوەکراوە، ئەمەی بۆ گەنجەکە کراوە، وەرچەرخانێکی مێژوویی بوو لە بواری بێهۆشکاریدا، چونکە ئەم نەشتەرگەرییە خاڵێکی وەرچەرخان بوو لە مێژووی نەخۆشخانەکەیاندا و بۆ یەکەمجار بوو تەکنیکی بێهۆشکاری ناوچەیی (Regional Anesthesia) لە رێگەی سۆنارەوە (Ultrasound-guided Brachial Plexus Anesthesia) بەکارهات.
بەپێی راگەیەندراوی نەخۆشخانە، لەم نەخۆشخانەیەدا تەنیا بێهۆشکاری گشتی، بەنجی نیوەیی و لۆکاڵی بەردەست بوو، بەڵام بۆ چارەسەری ئەم گەنجە توانیویانە ئەم خزمەتگوزارییە پێشکەوتووە بە تەکنیکی بێهۆشکاری ناوچەیی بۆ یەکەمجار ئەنجام بدەن.
لە مانگێکدا 96 نەشتەرگەریی "گەورە" لە نەخۆشخانەی سووتاویی سلێمانی ئەنجامدراوە
