پابەند نەبن سزا دەدرێن
“نووسینی زۆربەی شوێنە گەشتیارییەکانی هەولێر کراون بە کوردی”
دەشتی عارف ـ هەولێر
کاتێک بەسەر شەقام و شوێنە گشتییەکانی هەولێردا دەسوڕێنەوە تابلۆیەکی زۆر دەبینین، هەریەکەو ریکڵام بۆ دوکان و مۆڵ و هۆتێل و پێشانگاکەی خۆی دەکات، بەڵام مەرجی سەرەکی لە ئێستادا ئەوەیە کە دەبێت ئەو تابلۆیانە نوسینەکانی سەریان بە کوردی بێت و بەپێچەوانەوە سزادەدرێن.
دلێر محەمەد، بەرێوەبەری گەشتوگوزاری هەولێر، بۆ 964 دووپاتی دەکاتەوە کە “نووسینی زۆربەی شوێنە گەشتیارییەکانی هەولێر کراون بە کوردی” بەڵام دەشڵێت لە دەستەی گەشتوگوزار دەستییان پێیکردووە بۆ گۆڕینی تابلۆکان و بەردەوامیش دەبن.
” هەر شوێنێکیش پابەند نەبێت بە رێکارەکان سزا دەدرێن” دلێر محەمەد وادەڵێت..
داواشی کرد راگەیاندکارەکان هاوکارییان بکەن و هەر زانیارییەکییان دەستکەوت سەبارەت بە سەرپێچییەک ئاگادارییان بکەنەوە.
پێداچوونەوە؛ فەرهاد حەسەن