چەند ئامۆژگارییەک بۆ پاراستنی ژینگە؛
“تەنیا مرۆڤ ژینگە ناپارێزێ و نەیتوانیوە وەک پێویست بەرپرسیارێتی هەڵبگرێت”
964+
دیلان محەمەدجەزا – سلێمانی
د. محێدین محەمەدخانی شارەزا و چالاکوانی بواری ژینگە دەڵێت، تەنیا مرۆڤ ژینگە ناپارێزێ و نەیتوانیوە وەک پێویست بەرپرسیارێتی هەڵبگرێت.
ئەمڕۆ دووشەممە 22.12.2025 لە زانکۆی سلێمانی هەڵمەتێکی هۆشیاری بۆ پاککردنەوەی ژینگە و حەرەمی زانکۆ بەڕێوەچوو و د. محەمەدخانیـش لەوێ بوو، ئەو بە 964ـی وت، “ژینگە درێغی لە ئێمە نەکردووە و هیچ کەموکوڕییەکمان لە ژینگەدا نییە، پەیامی منیش ئەوەیە کاتێک ژینگە خۆی، خۆی ئەژیەنێت، با ئێمە تێکی نەدەین”.
“ئاژەڵەکان بەجوانی لە ژینگەدا دەژین و هیچکامیان ژینگەکەی خۆیان تێکنەداوە، تەنیا مرۆڤ نەیتوانیوە ژینگەی خۆی وەک خۆی رابگرێت، چونکە تەماحی زۆرە، درۆ ئەکات، بەرپرسیارێتی ناگرێتە ئەستۆ و ئەوەی وا بەکاری دەهێنێت، زیاتر لە بەشەکەی خۆیەتی”، د. محەمەدخانی وادەڵێت.
داوایشی کرد، سروشت کە خەیانەتی پێنەکردووین و ئاژەڵەکانیش لەناویان نەبردووە، با ئێمەیش کە ئەشرەفی ئەوانین، جوانتر بەکاری بهێنین، بۆ ئەوەی شوێنێک بۆ گەشت و سەیران بۆی چووین، روومان بێ جارێکیتر بچێنەوە ئەو شوێنە.
پێداچوونەوە؛ شۆڕش قادری
بەفەرمی داواكرا مێرگەسۆر بكرێت بە پایتەختی ژینگەپارێزی
