تیمەکانی بەرگری شارستانی لایاندەبەن
لەسەر رێگای بێخاڵ چەند تاشەبەردێک کەوتوونەتە خوار
964+
ئاکام غەفور – سۆران
لە سەر رێگای بێخاڵ چەند تاشەبەردێک کەوتوونەتەخوار و ئاستەنگی هاتوچۆیان دروست کردووە، لە دوای ئەوەی پەیامنێری 964 پەیوەندی بە بەرگری شارستانییەوە کرد، تیمەکان گەیشتنە شوێنەکە و بەردەکان لەسەر رێگەگە لادەبەن.
کاروان میراودەلی بەڕێوەبەری بەرگری شارستانی سۆران بە 964ـی وت، “لە دوای ئەوەی ئاگادارتان کردینەوە تیمەکانمان ناردە شوێنەکە، ئەو بەردانەی بچوکن تیمەکان بە دەست لای دەدەن و دوو بەردی گەورەش کەوتونەتە خوارەوە پێویستە بە شۆفڵ لایان بدەین”.
جگە لە بێخاڵ هەر ئەم بەیانییە لە هەر یەک لە رێگەکانی گەلی عەلی بەگ، سۆران بۆ چۆمان و سپیلیکیش بە هەمان شێوە چەند تاشە بەردێک کەوتوونەتە خوارەوە و هاتوونەتە سەر رێگە.
پێداچوونەوە: ژێوار خدر
