قایمقامییەتی دەربەندیخان وا دەڵیت؛
زیاتر لە یەک تۆن خۆراکی ماوەبەسەرچوو لەناوبرا
964+
فەرهاد حەسەن
قایمقامییەتی دەربەندیخان دەڵێت، لە سێ مانگی رابردوودا لە رێگەی لیژنەکانی چاودێرییەوە بە وردی چاودێری بازاڕ کراوە و توانیویانە زیاتر لە یەک تۆن خۆراکی ماوەبەسەرچوو لە شوێنی جیاوازەکان کۆبکەنەوە و ئەمڕۆش لەناویان برد.
لە ئەنجامی ئەو گەڕان و پشکنینانەدا کە لیژنەی باڵای چاودێریکردنی بازاڕ لە قایمقامیەت ئەنجامیان داوە، توانرا بڕی یەک تۆن لە ماددە خۆراکییە ماوەبەسەرچووەکان و ناشیاو بۆ بەکارهێنان دەستبەسەر بکرێت، دواتر ئەو بڕە زۆرەی خۆراک بەپێی رێنماییە زانستی و تەندروستییەکان و بە ئامادەبوونی لایەنە پەیوەندیدارەکان لەناوبراوە.
قایمقامیەتی قەزای دەربەندیخان جەختدەکاتەوە کە لیژنەکانی چاودێری بەردەوام دەبن لە هەڵمەتەکانی گەڕان و پشکنینەکانیان بە مەبەستی رێگرتن لە ساخکردنەوەی خۆراکی خراپ و پاراستنی تەندروستی هاوڵاتیان.
داواش لە هاوڵاتیانی سنوری قەزاکە دەکات، وەکو هەمیشە هاوکار و هەماهەنگی لیژنەکە بن و لە کاتی هەبوونی هەر سەرپێچی و گومانێکدا، بە زووترین کات پەیوەندی بە، ژمارانەی خوارەوە بکەن:
سەرۆکی لیژنە: 07725105922
ئەندام: 07721184157
ئەندام: 07701285668
ئەندام: 07722642966
سێ تۆن شمەک و خۆراکی ماوەبەسەرچوو لە چەمچەماڵ لەناوبران
