نایەوێت ئەوەی پارساڵ دووبارە ببێتەوە
لە 41 شارەوانی دهۆک دەست بە پاککردنەوەی مەنهۆڵ و ئاوەڕۆکان کرا
964+
فەرهاد حەسەن
شارەوانییەکانی دهۆک تەواوی شارەوانییەکانی سنووری پارێزگاکەی راسپارد دەست بە پاککردنەوەی ئەو شوێنانە بکەن کە ماترسی کۆبوونەوەی ئاوی بارانیان لێ دەکرێت، ئەو ئامادەکاریانەشی بۆ ئەوەیە کە ئەوەی ساڵی پار بەهۆی لافاوە روویدا، ئەمساڵ دووبارە نەبێتەوە.
بەڕێوەبەرایەتی گشتی شارەوانییەکانی دهۆک تیمەکانی هەر 41 شارەوانییەکەی راسپارد دەستوبرد بکەن لە پاککردنەوەی ئەو شوێنانەی گومانی دروستبوونی لافاویان لێدەکرێت، لەوانەش مەنهۆڵ، ئاوەڕۆ و رێڕەوەکانی ئاو.
لە مانگی ئاداری ساڵی پار بەهۆی بارانبارینی زۆرەوە لافاو لە چەند شوێنێکی ئەو پارێزگایە دروست بوو و بەهۆیەوە زەرەر و زیانێکی زۆر بەر زیاتر لە هەزار و 500 خێزانی شاری دهۆک و ئیدارەی زاخۆ کەوت.
ناوچە گەشتیارییەکانی ئامێدی پاشماوەی لافاویان لەسەر خۆیان نەهێشت
لافاوی دهۆک سەفەری چارەسەرکردنی منداڵەکەیانی دواخست
