حكومەت دژی تێكدانی چەند گۆڕێكی كریستیانەكانی كۆیە هاتەدەنگ

964+

ئەرسەلان عەبدوڵا

لە بارەی تێكدانی چەند گۆڕێكی هاوڵاتیانی كریستیان لە قەزای كۆیە، نووسینگەی سەرۆكی حكومەتی هەرێمی كوردستان راگەیاندراوێكی بڵاوكردەوە و سەركۆنەی كارەكە دەكەن

دەقی راگەیەندراوەكەی نووسینگەی سەرۆکی حکومەتی هەرێمی کوردستان بەم جۆرەیە:

“بە توندترین شێوە سەرکۆنەی ئەو کارە نابەجێ و تێکدەرانە دەکەین کە لە قەزای کۆیە دژی چەند گۆڕێکی خوشک و برا کریستیيانەکان کراوە.

ئەم کردەوەیە، بە هەموو شێوەیەک شەرمەزار دەکەین و داواش لە دامودەزگه‌کانی حکومەت دەکەین کە دەستبەجێ لێکۆڵینەوەی پێویست بکەن بۆ دۆزینەوەی تاوانباران و سزادانیان، هەروەها گۆڕستانەکەش، لەسەر فەرمانی بەڕێز سەرۆکی حکومەتی هەرێمی کوردستان نۆژەن دەکرێتەوە.

کریستیيانەکان پێکهاتەیەکی رەسەنی کوردستانن و هەرێمی کوردستان وەک هەمیشە، مەڵبەند و نموونەیەکی گەشی بەیەکەوەژیانی ئاشتییانە و تەبایی نێوان گشت پێکهاتەکان بووە و رێگەش بە هیچ کەسێک نادەین ئەو دۆخە تێک بدات.

نووسینگەی سەرۆکی حکومەتی هەرێمی کوردستان

زەیتوونی هەرمۆتە گەورەن و سەرچاوەی بژێوی کریستیانەکانە