ئەمشەو سێ کەس لە رووداوێکی هاتوچۆدا گیانیان لەدەست دا

+964
سیروان خورشید – دوزخورماتوو

لە سەر رێگای نێوان قەزای عەلەم بۆ پارێزگای سەڵاحەدین، رووداوێکی هاتوچۆدا روویدا و سێ کەس دەستبەجێ گیانیان لەدەست دا.

موئەیەد عەباس، بەڕێوەبەری هاتوچۆ دەرەکییەکانی پارێزگای سەڵاحەدین بە964ـی وت،” رووداوەکە بەهۆی تیژڕەوی شۆفێری ئۆتۆمبێلی جۆری BMW بووە، کاتێک شۆفێرەکەی کۆنتڕۆڵی لەدەستداوە و بە خێراییەكی زۆرەوە خۆی بە دوو ستوونی کارەبادا کێشاوە، بەهۆیەوە شۆفێر و دوو سەرنشینی نێو ئۆتۆمبێلەکە دەستبەجێ گیانیان لەدەستداوە.

وتیشی، ئەوانەی گیانیان لەدەستداوە هەرسێکیان لە رەگەزی نێرن و تەمەنیان لە نێوان 20 بۆ 30 ساڵیدایە، ئەمشەو لە پارێرگای سەڵاحەدین گەڕاونەتەوە قەزای عەلەم و لە رێگا تووشی رووداوەکە بوون و گیانیان لەدەستداوە، سەرجەمیشیان دانیشتووی قەزای عەلەمن لە پارێزگای سەڵاحەدین.

پێداچوونەوە: ئەرسەلان عەبدوڵا