لە بێجى و شەرگات و تکریت هەستى پێکراوە
دواى ساڵانێک لە بێ دەنگى؛ بومەلەرزەیەک سنوورى سەڵاحەدینى هەژاند
964+
سیروان خورشید- خورماتوو
کەمێک لەمەوبەر، بومەلەرزەیەک سنوورى پارێزگاى سەڵاحەدینى هەژاند و گوڕەکەى 4 و پۆینت 4 بووە.
ئیبراهیم قەیسى، بەڕێوەبەرى کەشناسى و بومەلەرزەزانى قەزاى بێجى بە 964ـى وت،”چەقى بومەلەرزەکە لە نێوان قەزاى بێجى و قەزاى شەرگات بووە، بەڵام لە تەواوى سنوورى پارێزگاى سەڵاحەدین هەستیپێکراوە”.
ئاشکراشى کرد، گوڕ و هێزى بومەلەرزەکە 4 پۆینت 4 پلەى رێکختەر بووە و خەڵک هەستى پێکردووە.
باسى لەوەشکرد، ساڵانێکى زۆرە بومەلەرزەیەکى لەمشێوەیە لە سنوورى پارێزگاى سەڵاحەدین نەهاتووە.
لەبارەى زیانەکانیشەوە باسى لەوەکرد، تائێستا نازانن زەرەر و زیانەکان چى بوون و بەدواداچوون دەکەن.
پێداچوونەوە: وریا فەتاح
