دووبز
شەش پاسەوانى ئەو پەرلەمانتارە دەستگیرکران کە ماڵێکى بەردەستڕێژى گولـلەدا
964+
وریا فەتاح
شەش پاسەوانى ئەو پەرلەمانتارە دەستگیرکران کە دوانیوەڕۆى دوێنێ شەممە، بەچەک هەڵیکوتایە سەر ماڵى پێشمەرگەیەکى زێرەڤانى لە گەڵەکى گوڵانى قەزاى دووبز.
ئێوارەى دوێنێ، ئەو پیاوەى هێرشى کرایەسەر لەگەڵ دایکى و هاوسەرەکەیى و چەند ئەندامێکى هێزەکانى پۆلیس، سکاڵایان دژى پەرلەمانتارەکە و پاسەوانەکانى جوڵاند، هەر لەسەر ئەو رووداوە شەوى رابردوو بارەگاى تەقەدووم لە قەزاکە داخرا.
سەرچاوەیەک لە پۆلیسی دووبز بە 964ـی وت،”دوای کێشە و ئاڵۆزییەکە و تۆمارکردنی سکاڵا لەسەر موهەیمەن حەمدانی، درنگانێکی شەوی رابردوو هێزێکی سەربازی سەر بە لیوای 32 فیرقەی 8 بە سەرپەرشتی لیوا روکن سادق رێسان گەیشتە قەزای دووبز، بۆ ئەوەی کێشە زیاتر ئاڵۆزەوە نەبێت”.
ئاشکراشى کرد، لەلایەن هێزێکی تەکتیکی حەوت پاسەوانی موهەیمەن حەمدانی بە بڕیاری سەرۆک وەزیران دەستگیرکران و دەستبەسەر سێ کڵاشینکۆف دا گیرا و راپێچی بنکەی پۆلیسی دووبز کران.
لەبارەى ئەوەى ئایا پەرلەمانتارەکە خۆى دەستگیرکراوە یان نا، سەرچاوەکە وتى،”بەهۆى ئەوەى موهەیمەن حەمدانى پەرلەمانتارى پێشوو و کاندیدى تازە دەرچووە، وپارێزبەندی”حصانة”ـى پەرلەمانى هەیە و دەستگیرنەکراوە”.
