راهێنەری فڕینی یانەی هەولێر
لە هەولێرەوە فڕی و لە کۆیە نیشتەوە
964+
دەریا ئەحمەد – کۆیە
محەمەد جامچی راهێنەری فڕینی یانەی هەولێر، لە هەولێرەوە فڕی و بە سەعاتێک و هەشت خولەک گەیشتە کۆیە.
محەمەد جامچی لە لێدوانێکی تایبەتدا بۆ 964 وتی، ماوەی فڕینەکەم لە هەولێرەوە بۆ کۆیە بە کاتژمێڕێک و هەشت خولەک بڕیوە و بەبێ دابەزین و وەستان هاتووم، ئەو ئامێرەی ئێمە پێی دەفڕین پێویستی بە ڕۆن و بەنزینە و نزیکەی کاتژمێر و نیوێکی پێویستە و دوورترین گەشتیش لە هەولێرەو و بۆ دهۆک بووە.
محەمەد نازناوەکەی جامچیە، چونکە پیشەوەرێکی فرۆشتنی جامە و فڕینی ئاسمانی وەک خولیایی خۆی پیادە دەکات و بۆ ئەمڕۆش بۆ بینینی پاڵەوانێتی عێراق بۆ فڕین لە کۆیە، گەشتی شارەکەی کردووە.
پێداچوونەوە: پەری ساڵح
