بوومەلەرزەیەکی بەهێز باکووری ئەفغانستانی هەژاند

964+

شۆڕش قادری

بوومەلەرزەیەک بە گوڕی 6.3 پلە بەپێوەری ریختەر باکووری ئەفغانستانی هەژاند و بەپێی ئامارە سەرەتاییەکان نزیکەی 20 کەس گیانیان لەدەستداوە و زیاتر لە 300 کەسی دیکەش برینداربوون.

ئاژانسەکانی هەواڵ بڵاویانکردووەتەوە، بەرەبەیانی ئەمڕۆ دووشەممە 3.11.2025 بوومەلەرزەیەک بە گوڕی 6.3 پلە بەپێوەری ریختەر و بەقوڵی 28 کیلۆمەتر لە ژێری زەوەی لە نزیک شاری مەزار شەریف روویداوە و بەپێی ئامارە سەرەتاییەکان نزیکەی 20 کەس گیانیان لەدەستداوە و زیاتر لە 300 کەسی دیکەش برینداربوون، ئاماری قوربانیانیش لە زیادبوون دایە.

وەزارەتی بەرگری تاڵیبان رایگەیاندووە، دوو ویلایەتی بەڵخ و سەمێنگان زۆرترین زیانیان بەرکەوتووە.

سەمین جویەندە وتەبێژی بەڕێوەبەرایەتی تەندروستی سەمێنگان لە باکوری مەزار شەریف بە تۆڕی میدیایی بی بی سی راگەیاندووە، دەیان کەس کە تووشی شکانی سەر و ئێسقانەکانی جەستەیان بوون، روویان لە نەخۆشخانەکان کردووە و چارەسەری پزیشکی وەردەگرن.

ژمارەی گیانلەدەستدان بەهۆی بوومەلەرزەکەی ئەفغانستان دوو هەزاری تێپەڕاند

بوومەلەرزە لە ئەفغانستان نابڕێ و گورزەکەشی زیاد بووە