دژە تیرۆر ناوەکەى گۆڕیوە
ئەحمەد کەرکوکى؛ لە خوێنى گەنجەکەى پردێ خۆش نابین
کاروان ساڵحى- کەرکوک
ئەحمەد کەرکوکى ئەندامى ئەنجومەنى پارێزگاى دهۆک، داوا دەکات عەلى زەیدى سەرۆک وەزیرانى عێراق خۆى بێتە سەرخەت و دەشڵێت: بەهیچ شێوەیەک لە خوێنى گەنجەکەى پردێ خۆشنابین.
رۆژى 27ـى ئەم مانگە، دژە تیرۆرى عێراق ئۆپەراسیۆنێکى لەناو ناحیەى پردێ ئەنجامدا و وەکخۆیان بڵاویان کردەوە، لە رووبەڕووبوونەوەیەکدا لەگەڵ چەند چەکدارێکى داعش، توانیویانە دوو چەکدار بکوژن و دانەیەکیش بە دیل بگرن.
هەر ئەو رۆژە، مێردمنداڵێکى کوردى ناحیەکە، بە گولـلەى شەڕەتەقەکە پێکرا و گیانى بەخشى. ئەمڕۆش دەرکەوت یەکێک لەو دوو کەسەى کە دژە تیرۆر کوشتوویەتى و بە داعش لەقەڵەمى داون، مێردمنداڵێکى تەمەن 14 ساڵى کوردە.
بەوتەى ئەحمەد کەرکوکى، دژە تیرۆر ناسنامەى مێردمنداڵەکەیان گۆڕیوە و کردویانە بە “تیرۆریست”، بەڵام ئەوە تەنیا پاساوێکە بۆ ئەوەى خۆیان لەو کارە دەرباز بکەن.
جەختیشى کردەوە کە بەهیچ شێوەیەک لە خوێنى ئەو گەنجە خۆشنابن و داواى کرد عەلى زەیدى سەرۆک وەزیرانى عێراق خۆى بێتەسەرخەت و چارەسەرى بکات.
پێداچوونەوە: وریا فەتاح