چوار ساڵ جارێک
هەنگەوانێک دۆشاوى بەڕوو بەرهەمهێناوە
964+
هێڤى دێوالى- دهۆک
لە فێستیڤاڵی بەرهەمە خۆماڵییەکانی دەڤەری بەرواری باڵا لە ناحیەی کانی ماسێ، بەرهەمێکى دەگمەن سەرنجی سەردانکەرانیان راکێشاوە کە دۆشاوى بەڕووە و کیلۆى بە 40 هەزار دینارە.
دۆشاوی بەڕوو خواردنێکی تایبەتە و هەر چوار ساڵ جارێک بەرهەمدێت. خابور مەهدى، هەنگەوان و باخدار کە بەرهەمهێنەرى دۆشاوى بەڕووە، بۆ 964 وتى،” بۆ دروستکردنی، بەڕووەکان دەخەینە ناو ئاو و دەیانکوڵێنین، پاشان ئاوەکە دەپاڵێوین و پاکی دەکەینەوە و بۆ ماوەی زیاتر لە کاتژمێرێک و نیو دەیکوڵێنینەوە تاوەکو تامەکەی خۆش دەبێت و خەست دەبێتەوە”.
وەک باسى دەکات، تامی دۆشاوەکە شیرینە و کیلۆی بە 40 هەزار دینارە.
بەوتەى خابور، بەهۆى کەمى بەرهەمى بەروون هەر چوار ساڵ جارێک دەتوانن دۆشاوى بەروو دروست بکەن.
پێداچوونەوە: وریا فەتاح
