چاکسازی لە وێستگەی کارەبای ئەزمەڕ لە سلێمانی دەکرێت؛ پێنج رۆژ دەخایەنێت

964+

شۆڕش قادری

لەمڕۆوە بۆ ماوەی پێنج رۆژ کاری چاکسازی لە وێستگەی کارەبای ئەزمەڕ لە سلێمانی دەکرێت، بۆیە پێدەچێت جاربەجار کارەبا چەند گەڕەکێک ببڕێت و وەزارەتی کارەبا داوای پشوودرێژیان لێ دەکات.

وەزارەتی کارەبای حکومەتی هەرێمی کوردستان لە ئاگادارییەکدا دەڵێت، “تیمەکانی چاککردنەوەی سەر بەبەڕێوەبەرایتی کارەبای سلێمانی و بەهەماهەنگی لەگەڵ تیمەکانی پڕۆژەی رووناکی، چاکسازی لە تۆڕی کارەبای وێستگەی کارەبای ئەزمەڕ دەکەن”.

ئاماژە بەوەشکراوە، ئەو چالاکییە لەمڕۆ یەکشەممەوە 12.10.2025 دەستپێدەکات و بۆ ماوەی پێنج رۆژ بەردەوام دەبێت، لە کاتەکانی نێوانی کاتژمێر 8ـی بەیانی تاوەکو 5ـی ئێوارە و ئەم ناوچانە دەگرێتەوە، (کازیوە، ئیبراهیم ئەحمەد، ئازادی، شەهیدان، گۆیژەی نوێ، دارۆغە، هەواری شار، کەڵەکن و سارداو).

وەزارەتی کارەبا سوپاسی هاوڵاتیان دەکات بۆ پشوودرێژییان لە ماوەی پڕۆسەی چاکسازی لە وێستگەی کارەبای ئەزمەڕ و دەشڵێت، لەنزیکەوە لەگەل کۆمپانیای دانا غاز و هەموو لایەنە پەیوەندیدارەکان لەسەر هێڵە بۆ دڵنیابوون لەوەی ئەو پڕۆسەیە کەمترین کاریگەری دەبێت لەسەر ژیانی رۆژانەی هاوڵاتیان و پێدانی کارەبا بەشێوەیەکی ئاسایی.

ئەم بەیانییە هیچ شوێنێکی سلێمانی کارەبای نیشتیمانی نییە

پێنج شەقامی ناو سلێمانی کارەبای بەردەوامیان پێ دەگەیەندرێ