ئەم بەیانییە هیچ شوێنێکی سلێمانی کارەبای نیشتیمانی نییە

فەهمی نەبی

بەڕێوەبەرایەتی گشتی کارەبای سلێمانی رایگەیاند لە بەرەبەیانی ئەمڕۆوە بەهۆی روودانی کوژانەوەی گشتی کارەبای هەموو پارێزگای سلێمانی بڕاوە و هیچ شوێنێکی ئەو پارێزگایە کارەبای نیشتیمانی نییە.

ئەمڕۆ هەینی ئەندازیار غالب محمد بەڕێوەبەری کۆنترۆڵ و گەیاندنی کارەبای سلێمانی رایگەیاند، بەهۆکارێکی نادیار کوژانەوەی گشتی لە کارەبای هەرێم روویداوە و بەو هۆیەوە لە کاتژمێر 4:00ی ئەمڕۆوە کارەبای هەموو سلێمانی کوژاوەتەوە.

964 لە سەرچاوەیەک زانیویەتی لە دوێنێ شەوەوە وێستگەی غازیی کارەبای هەولێر رووبەڕووی کوژانەوەی گشتی Shut Down هاتووە و بەمەش کارەبای نیشتیمانی لەهەموو هەرێمی کوردستان پچڕاوە.