29 ساڵە
ویستی کارەبای هۆتێلەکە چاکبکاتەوە، خۆی گیانی لەدەستدا
+964
رێباز خدر- هەولێر
کەمێک لەمەوبەر گەنجێکی تەمەن 29 ساڵان بە ناوی عەلی شاکر مەرعان، لە کاتی چاککردنەوەی کێشەیەکی کارەبادا لە یەکێک لە هۆتێلەکانی هەولێر، گیانی لەدەستدا.
نێچیروان ئیدریس دراوسێ و هاوڕێیەکی نزیکی گەنجەکە، بە 964ـی وت، ئەو گەنجە دانیشتووی کۆمەڵگای شاخۆڵانی سەر بە قەزای بەحرکە بووە و لە هەمان هۆتێلدا کاری کردووە، دوای ئەوەی کێشەیەک لە کارەبای هۆتێلەکە دروست دەبێت و هەوڵی ئەوە دەدات کە چاکی بکات، بەڵام کارەبا دەیگرێت و گیان لە دەست دەدات.
عەلی شاکر، دانیشتووی کۆمەڵگای شاخۆڵانە لە سنوری قەزای بەحرکە سەر بە پارێزگای هەولێر، وەکو ئیشپێکەری مۆلیدە کاری کردووە پێشوو تر، دوای ئەوە واز لەم کارەی دەهێنێت و دەبێت بە کارمەندی هۆتێلێک لە شاری هەولێر .
