یەکێکە لە چایخانە کۆنەکانی پایتەخت
رێکخراوێکی هۆلەندی پاسکیلێک بەدیاری دەبەخشێتە چایخانەی مام خەلیل
964+
شۆڕش قادری
رێکخراوێکی هۆلەندی پاسکیلێک بەدیاری دەبەخشێتە چایخانەی مام خەلیل لە بازاڕی قەیسەری هەولێر کە یەکێکە لە چایخانە کۆنەکانی پایتەخت و خەڵكێکی زۆر رووی تێدەکات.
محەمەد خەلیل خاوەنی چایخانەکە بە 964ـی وت، “هۆڵەندا بە پاسکیل و گوڵی جوان مەشهورە، رۆژێک ئەندامانی رێکخراوێکی ئەو وڵاتە هاتوون و سەرسام بوون بە چایخانەکەمان، بۆیە پاسکیلێکیان بەدیاری پێبەخشیوین”.
ئاماژەی بەوەشکرد، جار بەجار چایخانەکە نۆژەن دەکەنەوە و جوانکاری تێدا دەکەن، بەڵام وەک خۆی دەمێنێتەوە و لە دوای خۆیشی بۆ نەوەکانی جێدەهێڵێت.
پێداچوونەوە؛ شۆڕش قادری