دیمەنێکی بەحرکە
بەهۆی کوژانەوەی وێستگەی کردەچاڵەوە
چوار گەڕەکی بەحرکە بێ کارەبان
964+
ژێوار خدر
بەهۆی کێشەیەکی تەکنیکی لە یەکێک لە هێڵە سەرەکییەکانی کارەبا لە هەولێر، ئەمڕۆ چوار گەڕەکی شارۆچکەی بەحرکە بێ کارەبای نیشتمانی بوون.
فەرمانگەی کارەبای بەحرکە رایگەیاند، هەر یەک لە گەڕەکەکانی؛ کانی، رەشید، بیران و مەلا یاسین ئەمڕۆ بێ کارەبا دەبن، هۆکارەکەشی کوژانەوەی کێبڵی سەرەکی وێستگەی کارەبای گردەچال لە هەولێر گەڕاندەوە
هاوکات تیمەکانی چاککردنەوە ئاگادارکراونەتەوە و کار بۆ چارەسەرکردنی کێشەکە دەکەن، بەڵام تا ئێستا وادەیەکی دیاریکراو بۆ گەڕانەوەی کارەبا بۆ ئەو گەڕەکانە رانەگەیەندراوە.
