لێکۆڵینەوە بەردەوامە
ژمارەیەکی زۆر ماسی لە بەنداوی دەربەندیخان مرداربوونەتەوە
964+
میلاد جەلال – گەرمیان
بەیانی ئەمڕۆ دووشەممە، لە بەنداوی دەربەندیخان ژمارەیەکی زۆر ماسی بەنداوەکە مردابوونەتەوە و تا ئێستاش ھۆکارەکەی نازانرێت.
سلێمان محەمەد، قایمقامی دەربەندیخان بە 964ـی وت، بەڕێوەبەرایەتی کشتوکاڵ و لایەنە پەیوەندیدارەکانمان ئاگادارکردووەتەوە لێکۆڵینەوە لە مرداربوونەوەی ئەو ماسیانە بکەن.
عیرفان ئەحمەد، بەڕێوەبەری کشتوکاڵی دەربەندیخان بە 964ـی وت، “ئەو جێگایەی ماسیەکانی لێ مرداربووەتەوە ناوچەی شەمێرانە لە بەنداوی دەربەندیخان و ژمارەی ماسیەکانیش کە مرداربوونەتەوە زۆر زۆرن.
ئاماژەی بەوەش کرد، دوای نیوەڕۆی ئەمڕۆ، لیژنەیەکمان رۆشتوونەتە سەر بەنداوەکە بۆ لێکۆڵینەوە لەوەی بزانن ھۆکاری مرداربوونەوەی ماسیەکان چییە، سبەینێ ئەنجامی لێکۆڵینەوەی لیژنەکە دەردەکەوێت.
پێداچوونەوە: توانا نەقی
