وردەکاری کەوتنە خوارەوەی کۆپتەرەکەی سلێمانی

دیلان محەمەد جەزا – سلێمانی

شەوی رابردوو ئۆتۆمبێلێک  لە شاخی ئەزمەر کەوتووەتە خوارەوە و بەهۆیەوە شۆفێرەکەی کە پێشمەرگەیەک بووە گیانی لەدەستداوە،  ئەمڕۆ بە رووداوەکە زانراوە و داوا لە تیمی فڕۆکەوانی سلێمانی کراوە بڕۆن و تەرمەکە بگوازنەوە، بەڵام لە کاتی هەڵگرتنەوەی تەرمەکە یەکێک لە پەروانەکانی کۆپتەرەکە بەر شاخەکە کەوتووە و بەهۆیەوە کەوتووەتە خوارەوە.

پەیامنیری 964 لە نزیک شوێنی رووداوەکەوە رایگەیاند، بەهۆی رووداوکەوە سێ کەس بریندار بوون، کە یەکێکیان عەمید حسێن فەیزوڵا، بەڕێوەبەری تیمی فڕۆکەوانی سلێمانی بووە و زیان بەر سەری کەوتووە و باری تەندروستی جێگیر نییە، دووانەکەی دیکەشیان ئەفسەرێک و پاسەوانێکی عەمید حسێن بوون.

ئێستا بریندارەکان گوازراونەتەوە بۆ نەخۆشخانەی ئەنوەر شێخە و لەژێر چاودێری پزیشکی دان و چارەسەر وەردەگرن.