دیمەنێکی دەستبەسەرداگرتنى ژمارەیەک ماتۆڕسکیل لەلایەن کارمەندانى هاتوچۆوە - وێنە: ئەرشیف
"بڕیاری وەزارەتی ناوخۆیە"
لەکاتی دەستبەسەرداگرتنی ماتۆڕ و ئۆتۆمبێلەکانتان پارەی گەراجانە مەدەن
شۆڕش قادری
لەکاتی دەستبەسەرداگرتنی ماتۆڕ و ئۆتۆمبێلەکانتان لە بەڕێوەبەرایەتییەکانی هاتوچۆ، پارەی گەراجانە مەدەن و لەلایەن وەزارەتی ناوخۆوە رێی پێنەدراوە.
بەپێی ئاگادارییەکی هاتوچۆی سلێمانی، “هەموو جۆرە سوارڕەوێک کاتێک بەهۆی هەرجۆرە کەیسێکی یاسایی دەستی بەسەرداگیرا و نێردرا بۆ گەراجی دەستبەسەرداگرتنی بەڕێوەبەرایەتییەکانی هاتوچۆ لە هەرێمی کوردستاندا، لەکاتی گێڕاندنەوەی سوارڕەوەکە بۆ خاوەنی شەرعی، هیچ جۆرە کرێیەکی گەراجانەیان لێ وەرناگیرێت”.
ئاماژە بەوەشکراوە، ئەوە بڕیاری وەزارەتی ناوخۆی حکومەتی هەرێمی کوردستانە و لە هەموو شار و شارۆچکەکانی کوردستان جێبەجێ دەکرێت.