ئامێرێکی بیرهەڵکەندن دەستی بەسەردا گیرا 

توانا نەقی

جیاواز لە جارەکانی دیکە لە ناو شاری سلێمانی لەلایەن پۆلیسی دارستان و ژینگەوە  دەست بەسەر ئامێڕێکی بیر هەڵکەندندا گیرا.

ئەمڕۆ یەکشەممە، پۆلیسی دارستان و ژینگەی سلێمانی بڵاوکردەوە، دوای وەرگرتنی زانیاری و بەدواداچوونی خێرا لەلایەن مەفرەزەیەکی هاوبەشی نێوان  بەڕێوەبەرایەتی  و بەشی پۆلیسی دارستانی سلێمانی توانرا لەناو شاری سلێمانی دەست بەسەر ئامێرێکی بیر هەڵکەندندا بگیرێت.

ئاماژەی بەوەشکردووە، ئەو ئامێرەی دەستی بەسەردا گیراوە لە جۆری بەرینەیە.

ئێستا پەڕاوی لێکۆڵینەوە رێکخراوە و بۆ وەرگرتنی رێکاری یاسایی بەرامبەر ئەو کەسە و رەوانەی لای دادوەرەی لێکۆڵینەوە کراوە.