لەژێر خانووی پلاستیک بیریان هەڵدەکەند و ئاشکرا بوون

ژووری هەواڵ

لە سنووری سیتەک دوو کەس ئامێری بیرهەڵکەندنیان بردووەتە ژێر ئەو خانووە پلاستیکانەی کە بۆ پێگەیاندنی بەرهەمە کشتوکاڵییەکان بەکاردێت، بەڵام لەکاتی هەڵکەندنی بیرەکەدا ئاشکرا بوون و دەستگیر کراون.

ئەمڕۆ پێنجشەممە 14.8.2025، هێمن کەمەرخان، وتەبێژی پۆلیسی دارستان و ژینگەی سلێمانی بە 964ـی راگەیاند، بە هاوکاری ئاسایش دوو کەسیان بەتۆمەتی هەڵکەندنی بیری نایاسایی لە ناحیەی سیتەک دەستگیر کردووە.

هاوکات دەستگیراوە بەسەر ئامێرێکی بیرهەڵکەندن لە جۆری بەرینە و 66 بۆری و یەک ئامێری لەحیم کردن.

بەگوێرەی ئاماری پۆلیسی دارستان و ژینگە، تاوەکو ئێستا لەم مانگەدا هەشت کەس لە سنووری پارێزگای سلێمانی لەسەر بیرهەڵکەندنی نایاسایی دەستگیر کراون.