"لەفەکەی تەوێڵە تایبەتە"
بەهەڵپەڕکێی رۆژهەڵاتی فێستیڤاڵی تەوێڵەی گەرم کردووە
964+
ئەمەل ناجی – هەورامان
خاتوونێکی شۆخ و شەنگ لە شاری پاوەی رۆژهەڵاتی کوردستانەوە هاتووەتە فێستیڤاڵەکەی تەوێڵە و دەڵێت، “ئێرە وڵات و نیشتمانی خۆمە و زوو زوو دێم و دەڕۆم”.
سۆزان نەجمەدین هیوایەتی هەڵپەڕکێ و لەفەکەی تەوێڵەیە و فێستیڤاڵەکەی بە هەڵپەڕکێ جوانەکەی رۆژهەڵات گەرم کردووە، ئەو قسەی بۆ مایکی 964 کردووە و دەڵێت، “هەموو خواردنەکانی ئێرە تایبەتن، بەڵام حەزم لە لەفەکەی تەوێڵەیە و زۆر خۆشە”.
بەبۆنەی رۆژی گەشتوگوزاری هەڵەبجە، ئەمڕۆ کۆمەڵێک چالاکی هونەری و کەلتووری لە ناوچەی گەشتیاری ئاوێسەر لە تەوێڵە و ئەحمەدئاوا بەڕێوەچوون و تاوەکو دوو رۆژی دیکە بەردەوام دەبێت.
پێداچوونەوە؛ شۆڕش قادری