لە مێرگەپان 16 داری تەمەن 15 بۆ 20 ساڵ قەتڵوعام کران

شۆڕش قادری

لە سروشتە جوانەکەی مێرگەپانی سلێمانی، 16 داری تەمەن 15 بۆ 20 ساڵ قەتڵوعام کران، ئەنجامدەری کارەکەش دەستگیر نەکراوە و هێشتا پۆلیس بەدوایدا دەگەڕێ.

“لە ئەنجامی گەڕان و پشکنینی مەفرەزەیەكی بنکەی پۆلیسی دارستان و ژینگەی مێرگەپان، دەستگیراوە بەسەر 16 داری سروشتی بڕاوە کە تەمەنی دارەکان 15 بۆ 20 ساڵ دەبێت”، هێمن کەمەرخان وتەبێژی پۆلیسی دارستان و ژینگەی سلێمانی وای بە 964 وت.

ئاماژەی بەوەشکرد، کاتێک مەفرەزەکەی پۆلیسی دارستان چوونەتە شوێنەکە، کەس لەوێ نەبووە و نازانرێت کێ ئەو کارەی کردووە.

هێمن کەمەرخان وتیشی، لێکۆڵینەوە و بەدواداچوونەکانیان بۆ دۆزینەوەی تۆمەتبار بەردەوامە و هەرکات دەستگیریان کرد، دەیدەنە دادگا.