دیمەنی قیرکردن و سەوازایی و کۆنکرێت کردن لەلاین شارەوانییەوە.وێنە.سەرۆکایەتی شارەوانی سلێمانی
ئاماری کارەکانی خۆیان بڵاوکردەوە
شارەوانی سلێمانی لە ماوەی حەوت مانگدا نزیکەی 350 هەزار مەتر دووجا قیری کردووە
964+
توانا نەقی
بە سەدان هەزار مەتر دووجا قیرتاوکردن و بە تێکەڵەرێژ کردن و چاندنی هەزاران گوڵ و دار و نەمام لە ماوەی حەوت مانگی رابردوو لە سلێمانی شارەوانی دەڵت کاری باشیان کردووە.
سەرۆکایەتی شارەوانی سلێمانی ئاماری کارەکانی خۆیان لە قیرتاوکردن و تێکەڵەڕێژکردن و کۆنکریت و چاندنی نەمام و سەوازایی شار بڵاوکردەوە و تەنیا لەم ماوەیە نزیکەی 350 هەزار مەتر دووجا قیریان کردووە.
ئامارەکانی حەوت مانگی رابردووی شارەوانی سلێمانی بەم شێوەیە بووە.
– قیرتاوکردنی شەقام و گەڕەکەکان 338 هەزار و 831 مەتر دووجا بووە.
– تێکەڵەڕێژکردن بە بڕی 180 هەزار و 831 مەتر دووجا بووە.
– کۆنکریت کردن بە بڕی 82 هەزار و 310 مەتر دووجا بووە.
– روواندنی نەمام و گوڵ و پەرژین لە پارکی هەواری شار 3391 دانە بووە.
– قەڵەمکردنی گوڵ و دار و پەرژین لە نەمامگەی هەواری شار 38 هەزار و 350 دانە بووە.
– چاندنی گوڵی جۆراوجۆر لە باخچەکانی سلێمانی 18 هەزار و 552 گوڵ بووە و چادنی نەمامی جۆراوجۆر لە باخچەکان 3634 دانە بووە.
شارەوانی ئاماژەی بەوەکردووە، بەردەوام دەبن لەو کارانەیان ئەگەر بودجەی تەواو لەبەردەستیان بێت و تیمەکانیان بەشێوەی ئیشکگری بەردەوامن لە کارکردن.
