ئاژەڵی ماڵی لە تەکیە دار و پاشماوەی کۆڵانەکان دەخۆن

964+

عەزیز عەبدوڵا- چەمچەماڵ

دانیشتووانی ناحیەی تەکیە لە نزیک چەمچەماڵ، بێزارن و داوای بەهاناوە چوون دەکەن لەدەست ئاژەڵی ماڵی، دەڵێن، ژیانمان نەماوە بەدەستیانەوە نەباخچەمان ماوە نە بەردەرگا، هەمووی دەشێوینن و هەرچی بەردەمیان بکەوێت دەی خۆن.

ئەو ئاژەڵە ماڵیانە بە زۆری “مانگا و گوێرەکەن”، لە زۆرێک لە کۆڵانەکان دەبینێرن.

ئەمڕۆ پێنجشەممە 31.7.2025، ئاکار عومەر، دانیشتووی ناحیەی تەکیەی کاکەمەندە و بە 964ی وت، ناکرێت تۆ ئاژەڵ بۆ خۆت رابگریت و بەری بدەیتە سەر ژیانی ئەو خەڵکە، لە ئیسراحەت و ژیانیشی کردووین، بەشێک لەم ئاژەڵانە خواردنی سەرەکییان شوێنی فڕێدانی خاشەکە، بۆیە گۆشت و شیرەکەشی حەرام دەبێ و ناخورێ.

ئیبراهیم ئەحمەد سەرۆکی شارەوانی تەکیەی کاکەمەند بە 964ـى وت،” ئێمە رێکاری یاسایی دەگرینە بەر بۆ دۆزینەوەی خاوەنی ئەو ئاژەڵانەکە بونەتە هۆی بێزاری هاوڵاتیان و تێکدانی شوێنە گشتییەکان”

وتیشی،”ئێمە وەک شارەوانیی هاوکاریان دەبین و دەتوانین شوێنی گونجاویان بۆ دابین بکەین ئەگەر بیانەوێت، بەهۆکاری ئەوەی بەشێکی زۆری بەربەستەکانی باخچەکانیان شکاندوەو رێگریان نەماوە تا نەچنە ناوی”.

پێداچوونەوە: ئەحمەد مستەفا

هەڵمەتێک بۆ پاککردنەوەی شەقامەکانی تەکیەی کاکەمەند بەڕێوەچوو