ئەمریكا پیرۆزبایی بەپارێزگابوونی هەڵەبجە دەكات

964+

ئەرسەلان عەبدوڵا

كونسوڵی گشتیی ئەمریكا لە هەرێمی كوردستان ستیڤ بیتنەر، سەردانی هەڵەبجەی كرد و پیرۆزبایی بەپارێزگابوونی شارەكەی كرد، بە قسەی راگەیاندراوی پارێزگای هەڵەبجەش، كونسوڵ بەڵێنی هاوكاریكردنی شارەكەی كردووە.

لە راگەیاندراوی پارێزگای هەڵەبجەدا هاتووە، ئەمڕۆ یەكشەممە 27.7.2025  كونسوڵی گشتی ئەمریكا ستیڤ بیتنەر سەردانی هەڵەبجەی كرد و لەگەڵ پارێزگاری شارەكە نوخشە ناسیح كۆبووەوە.

باسی ئەوەش كراوە، لە كۆبوونەوەكەدا باسی فراوانكردن و پەرەپێدانی زیاتری پەیوەندییەكانی نێوانیان لە سەرجەم بوارەكاندا كراوە.

“كونسوڵی کونسوڵی گشتیی ئەمریکا، پیرۆبایی بە پارێزگابوونی هەڵەبجەی وەكو 19مین پارێزگای عێراق و نوخشە ناسیح وەک یەكەم پارێزگاری خاتوون لە عێراق و كوردستان بە پارێزگار گەیاند، پاڵپشتی وڵاتەكەشی بۆ پارێزگاكە دووپاتكردەوە، هەردوولا هاوڕابوون لەسەر پێویستی و بەردەوامی پەیوەندییەكان و گەیاندنی دەستی هاوكاری ویلایەتە یەكگرتوەكانی ئەمریكا بە پارێزگاكە لە داهاتوودا”، لە راگەیاندراوەكەدا واهاتووە.

یەكەمجارە كونسوڵی گشتیی ئەمریكا لە كوردستان دوای بەپارێزگابوونی شارەكە، سەردانی هەڵەبجە بكات.

كونسوڵی هەولێری ئەمریكا لە بەغدا دەستبەکار دەبێت