پارچەی موشەک لە مەککە کەوتە خوارەوە و دانوستانی ئێران و ئەمریکاش بەردەوامە

هەژان هادی

لە دوایین هێرشی حـــوسـیـیەکان بۆ سەر سعودیە تا دانوستانی نێوان ئەمریکا و ئێران، ئەوەی لە دوێنێ شەوەوە روویداوە، لێرە دەیزانی:

📌 رۆیتەرز: حـوسـییەکان بە سێ موشەک فڕۆکەخانەی شا خالیدیان لە ریاز بەئامانج گرت و هێرشێكی درۆنیان کردە سەر ناوچەی یەنبەع لە سعودیە.

📌 سعودیە: دوو موشەکی بالیستیی حــوسـییەکان کە ئاڕاستەی مەککە کرابوون، تێکشکێنران و پارچەکانیان کەوتە خوارەوە.

📌 سعودیە: لە سنووری ریاز درۆنێکی حــوسـییەکانمان تێكشکاند.

📌 وۆڵ ستریت جۆرناڵ: جەی دی ڤانس، جێگری سەرۆکی ئەمریکا بیر لە ئەنجامدانی گفتوگۆی راستەوخۆ لەگەڵ موحسین رەزایی، سکرتێری ئەنجومەنی باڵای ئاسایشی نیشتمانیی ئێران دەکاتەوە.

📌 وۆڵ ستریت جۆرناڵ: ترەمپ بە بەرپرسانی ئیدارەکەی راگەیاندووە کە رازیە بەوەی جەی دی ڤانس لەگەڵ ئێران درێژە بە دانوستانەکان بدات.

📌 کۆشکی سپی بۆ فۆکس نیوز: سەرۆک ترەمپ رایگەیاند، دەبێت درێژە بە گەمارۆ دەریاییەکەی سەر ئێران بدرێت.

📌 کۆشکی سپی بۆ فۆکس نیوز: پێگەی ئەمریکا بەهێزە و کۆنترۆڵی گەرووی هورمزی کردووە و ئابووری ئێرانیش لە رووخاندایە.

📌 رۆیتەرز: ستیڤ ویتکۆف، نێردەی تایبەتی ئەمریکا بۆ رۆژهەڵاتی ناوەڕاست و جارید کوشنەر، راوێژکاری ترەمپ بەمەبەستی دانوستان لەگەڵ پوتن، گەیشتنە روسیا.

📌 زیلێنسکی: ده‌مانەوێت تا پێش کۆتایی ساڵ لە گفتوگۆکانی ئاشتیدا بگەینە ئەنجام و هەموو هەوڵێکیش بۆ ئەوە دەدەین.

📌 نرخی یەک بەرمیل نەوتی خاوی برێنت بە 91 دۆلار و 29 سەنتە و نرخەکەی بەراورد بە دوێنێ بەڕێژەی 1.58٪ دابەزیوە.

📌 کۆبوونەوەی ئەنجومەنی پارێزگای کەرکوک بۆ دانانی پارێزگاری نوێ دوو جار دواخرا و بڕیارە ئەمڕۆ کۆبوونەوەکە بکرێت