سبەینێ لە پێنجوێن مین و پاشماوە دەتەقێندرێتەوە

964+

کامیار کەمال – پێنجوێن

سبەی چوارشەممە 23.7.2025، دەزگای مینی سلێمانی و تیمی مین هەڵگرتنەوەی پێنجوێن، تەقینەوەیەکی بەهێز ئەنجام دەدەن لە شاخی ناوشاخان و تەقینەوەکەش لە ناوبردنی پاشماوەی مین و تەقەمەنییە.

دەیانەوێ خەڵک و دانیشتووانی قەزاکە نەترسن و ئاگاداربن کە ئەوانن مین دەتەقێننەوە.

محەمەد ئیبراهیم، سەرۆکی تیمی مین لابەری دەستی پێنجوێن بە 964ی وت، سبەینێ لە پاش کاتژمێر 10:00 بەیانیی، ژمارەیەک مین و تەقەمەنیی و پاشماوەی جەنگی قەزاکە لە ناو دەبرێت هاوشێوەی هەفتەی رابردوو.

ئەوان مەبەستییانە، لە رێگەی 964 وە، دانیشتووانی قەزای پێنجوێن ئاگادار بکەنەوە، تا دڵەراوکێ و ترس بڵاو نەبێتەوە لە ناویان.

باسی لەوەشکرد، ئەو تەقینەوەی دەکرێت لەناوبردنی بڕێکی زۆر مینی دژەکەسیی و تەقەمەنی و پاشماوەی جەنگی بەجێماوە لە کێڵگە مینەکان و شەڕگاکان.

محەمەد ئیبراهیم وتیشی، هەفتەی رابردووش نزیکەی 100 پارچە مین و تەقەمەنی و پاشماوەی جەنگیان لەناوبردووە و پێنجوێنیش لە کێڵگە میندا، پشکی شێری بەرکەوتووە و زۆرترین کێڵگە مینی تێدایە.

پێداچوونەوە: ئەحمەد مستەفا

تەقینەوەیەکی بەهێز لە پێنجوێن بیستراوە