یەکێک لە خانووە زیادەڕۆکان. فۆتۆ: پۆلیسی دارستان و ژینگەی سلێمانی
لە سیتەک
سێ کەس لەسەر دروستکردنی خانووی زیادەڕۆ دەستگیر کران
964+
ژووری هەواڵ
سێ هاوڵاتی بلۆک و چیمەنتۆیان بردووتە سنووری سیتەک و خانویان بە نایاسایی لەسەر زەییەکانیان دروستکردووە، لەسەر ئەوە هەرسێکیان دەستگیر کران.
ئەمڕۆ دووشەممە 21.7.2025، پۆلیسی دارستان و ژینگەی سلێمانی رایگەیاند، مەفرەزەکانیان دەرچوونێکیان کردووە بۆ سنوورەکانی سیتەکە کۆن و گەڕەدێ، لەو شوێنانە سێ هاوڵاتیان بەتۆمەتی زیادەڕەوەی و دروستکردنی خانووی نایاسایی دەستگیر کردووە.
“بە فەرمانی دادوەر کارکردن لە خانووەکاندا راگیرا و پەڕاوی لێکۆڵینەوە بۆ تۆمەتباران کرایەوە”، پۆلیسی دارستان و ژینگەی سلێمانی وا دەڵێت.
تاوەکو ئێستا لەم مانگەدا پێنج کەس لەسەر دروستکردنی خانووی نایاسایی و زیادەڕۆیی دەستگیر کراون، پێشتریش لە دوو کەسی دیکە هەر لە سنووری سیتەکە کۆن بەهەمان تۆمەت دەستگیر کران.
