تەمەنی 33 ساڵە
ئەو ژینگەپارێزەی لەسەر پردی شۆڕش گیانی لەدەستدا بەنگلادیشییە
964+
ژێوار خدر
دوای ئەوەی سەر لە بەیانی ئەمڕۆ ژینگەپارێزێک لەسەر بەرزە پردی شۆڕشی هەولێر بەهۆی رووداوێکی هاتوچۆوە گیانی لەدەستدا، بەڕێوەبەرایەتی خزمەتگوزاری ژینگەپارێزی هەولێر زانیاری لەسەر ژینگەپارێزەکە بڵاوکردووەتەوە و دەڵێت، کرێکارەکە خەڵکی وڵاتی بەنگلادیشە.
دەشڵێت، ناوی فەیروز مەنسور عەلیە، تەمەنی 33 ساڵ بووە و سەر بە کۆمپانیای گوڵزاری شارە.
لە رووداوەکە جگە لەو ژینگەپارێزە کەسێکی دیکەش برینداربوو و ئێستا لە نەخۆشخانە چارەسەر وەردەگرێت، ئەو ژینگەپاریزانە لەکاتی کۆکردنەوەی خۆڵ و خاشاکی پردەکە ئۆتۆمبێلێک خۆی بە ماتۆرسکیلە سێ تایەکەی ئەو ژینگەپارێزەدا کێشاوە و لە پردەکەوە کەوتووەتە خوارەوە و گیانی لەدەستداوە.