لەسەر رێگای کەرکوک - بێجی
ئۆتۆمبێلێک وەرگەڕا؛ دوو کەس گیانیان لەدەستدا و سێی دیکەش برینداربوون
964+
کاروان ساڵحی – کەرکوک
لەسەر رێگای کەرکوک – بێجی ئۆتۆمبێلێک وەرگەڕا و دوو کەس گیانیان لەدەستدا و سێی دیکەش برینداربوون.
ئیحسان عەباس بەڕێوەبەری پۆلیسی هاتوچۆی دەروەی شار لە کەرکوک بە 964ـی وت، “پاشنیوەڕۆی ئەمڕۆ شەممە 21.6.2026 لەسەر رێگای نێوان کەرکوک – بێجی و بە دیاریکراوی لە نزیک وێستگەی قەپانی بێجی، ئۆتۆمبێلێک وەرگەڕا”.
“لە رووداوەکەدا دوو سەرنشینی ئۆتۆمبێلەکە گیانیان لەدەستداوە و سێی دیکەش بەسەختی برینداربوون”، ئیحسان عەباس وای وت.
ئاماژەی بەوەشکرد، هۆکاری رووداوەکە بۆ خێرایی و پابەندنەبوونی شۆفێری ئۆتۆمبێلەکە بۆ رێنماییەکانی هاتوچۆ دەگەڕێتەوە.
ئیحسان عەباس وتیشی، ئەو دوو کەسەی گیانیان لەدەستداوە ناویان فیراس ئیبراهیم و محەمەد حسێنـە، خەڵکی موسڵن و کارمەندی هێزە ئەمنییەکان بوون.
پێداچوونەوە؛ شۆڕش قادری
