ئەوقاف دەڵێ چاوەڕێی خۆمان بن بۆ عومرە و مەرزی كێلێیش داخرا

ژووری هەوال

هەر ئەوەندەی میوانانی ماڵی خوا تەشریفیان هێنایەوە، ئیتر خەڵک کەوتنەوە ئەو پرسیارەی کەی دەرگای عومرە دەکرێتەوە، بەڵام ئەوقاف دەڵێ جارێ بوەستن خۆمان پێتان دەڵێینەوە.

ئەوە لەم هەفتەیەدا دووەم جارە مەرزی کێلێ دادەخرێت، بەڵام ئەوەی ئەمڕۆ پەیوەندی بەم شەڕو شۆڕەوە نەبوو، بەهۆی ئەوەوە بوو سیستەمە ئەلکترۆنییەکەیان وەستابوو.

کاروا بڕوات ئیتر وابزنم تامی تورە بەناوبانگەكە و سەوزەو میوە بەتامەکەی گردەگۆزینەی کەلار ناکەنەوە چونکە ئاوی رووباری سیروان لەسەر 130 جوتیار گیراوەتەوە هەفتەیەکە رەنج بە خسار بوون.

پۆلیسی سلێمانی دزێکیان دەستگیر کردووە، ساحەب ئیشەکەی وتوویەتی 36 دەفتەری لێ دزیوم، دزەکەش وتوویەتی راست ناکات 36 نییە هەر 9 دەفتەرم بردووە.