یەکێک لەو بەلەمانەی کۆچبەری هەڵگرتووە. وێنە:ئاژانسی هەواڵی عێراقی.
لەگەڵ هەشت بیانی دیکە
قاچاخچیەکی کورد لە فەرەنسا دادگایی دەکرێت
964+
ژووری هەواڵ
نۆ کەس کە یەکێکیان کوردە، بە تۆمەتی قاچاخچێتی و کوشتن و پێشێلکردنی پابەندییە ئەمنییەکان لە فەرەنسا دادگایی دەکرێن.
ئەمڕۆ سێشەممە 17.6.2025، دەزگای لوتکە بۆ کاروباری ئاوارە و پەنابەران رایگەیاند، لەنێو ئەو کەسانەی کە دادگاییدەکرێن، حەوتیان ئەفغانین، تۆمەتبارێکیان کوردە و ئەوەی دیکەشیان دەستگیر نەکراوە و بەبێ ئامادەبوونی خۆی دادگایی دەکرێت.
تۆمەتبارەکان تەمەنیان لەنێوان 22 بۆ 40 ساڵیدایە و سەر بە باندێکن، ئەو کەسەشی کە بە غیابی دادگایی دەکرێت پێشبینی دەکرێت سەرۆکی باندەکە بێت.
دەزگای لوتکە ئامارێکی ئاشکرا کردووە و دەڵێت، لەنێوان ساڵانی 2020 بۆ 2022 لە باکووری فەرەنسا 18 کەس کە زۆربەیان کورد، بە تۆمەتی قاچاخچێتی دەستگیر کراون.
