“سوپاسالارى نوێى ئێران کوژرا”

وریا فەتاح

بەپێی بەیاننامەیەکی سوپای ئیسرائیل، فڕۆکە جەنگییەکانی ئەو وڵاتە لە هێرشێکدا بۆ سەر بارەگایەکی سەربازی لە دڵی تاران، عەلی شادمانی، سەرۆک ئەرکانی جەنگی ئێران و باڵاترین فەرماندەی سەربازیی ئەو وڵاتەیان کوشتووە، کە بە نزیکترین کەس لە عەلی خامنەیی، رێبەری باڵای ئێران دادەنرا.

شادمانی پۆستی سەرۆک ئەرکانی جەنگی ئێران و فەرماندەی فەرماندەیی باری لەناکاوی هێزە چەکدارەکانی بەدەستەوە بوو و سەرپەرشتی سوپای پاسداران و سوپای ئاسایی ئێرانی دەکرد.

ئیسرائیل دەڵێت،”شادمانى باڵاترین فەرماندە و نزیکترین کەس بووە لە خامنەیى،”، بەڵام تائیستا ئێران هیچ روونکردنەوەیەکى نەداوە.

ئەمڕۆ کە پێنجەم رۆژى جەنگى ئیسرائیل و ئێرانە، تائێستا ژمارەیەکى زۆرى فەرماندەى باڵاى ئێران کوژراون.