لۆگۆی کۆبوونەوەی گرووپی حەوت
سەرکردەکانی گرووپی حەوت
حەوت وڵاتی زلهێز باسی شەڕی ئێران و ئیسرائیل دەکەن
964+
ژووری هەواڵ
سەرکردەکانی گرووپی حەوت لە کەنەدا کۆدەبنەوە و تەوەری سەرەکی گفتوگۆکانیان، هێرشەکانى ئێران و ئیسرائیل بۆسەر یەکدى دەبێت.
دۆناڵد ترەمپ، سەرۆکی ئەمریکا بەشداری لە کۆبوونەوەکەدا دەکات و پێشبینی دەکرێت دووبەرەکی لەنێوان سەرکردە بەشداربووەکان سەرهەڵبدات.
بەگوێرەی کارنامەی کۆبوونەوەکە، کە لەلایەن مارک کارنی، سەرۆکوەزیرانی کەنەدا بڵاوکراوەتەوە، وڵاتانی بەریتانیا، کەنەدا، فەڕەنسا، ئەڵمانیا، ئیتاڵیا، ژاپۆن و ئەمریکا گفتوگۆ دەکەن بۆ کەمکردنەوەی جیاوازییەکان.
جگە لە بەشداربووە سەرەکییەکان، چەندین سەرکردەی دیکەش میوانی لوتکەکەن، لەنێویاندا ئورسولا ڤۆن دێرلاین، سەرۆکی کۆمیسیۆنی ئەوروپا، سەرۆکانی مەکسیک و بەڕازیل و ئیمارات، سەرۆکوەزیرانی هیندستان و ڤۆلۆدیمیر زێلێنسکی، سەرۆکی ئۆکرانیا.
چاوەڕواندەکرێت لە پەراوێزی لوتکەکەدا چەندین کۆبوونەوەی گرنگ لەنێوان سەرکردە جیهانییەکاندا ئەنجامبدرێت، لەنێویاندا کۆبوونەوەی سەرۆکانی ئۆکرانیا و ئەمریکا.
