دیمەنی ئەو ماسیەنەی دەستی بەسەردا گیراوە.وێنە.پۆلیسی دارستان و ژینگەی سلێمانی
لە دەریاچەی دەربەندیخان
راوچیەکی ماسی دەستگیر کرا
964+
توانا نەقی
هەرچەندە چوار رۆژی ماوە قەدەگە لەسەر راوکردنی ماسی هەڵگیرێت بەڵام راوچیەک خۆی پێنەگیراوە و لە کاتی راوکردندا لە دەریاجەی دەربەندیخان دەستگیر کراوە.
ئەمڕۆ دووشەممە، پۆلیسی دارستان و ژینگەی سلێمانی بڵاویکردەوە، بۆ رێگریکردن لە دیاردەى راوى ماسى و رێگریکردن لە سەرپێچیکاران بەتایبەت لە ئێستادا کە وەرزى قەدەغەى راوى ماسى و گەرادانانە مەفرەزەکانى پۆلیسى دارستان بەردەوامن لە گەڕان و پشکنینى سنوەرە ئاوییەکان.
مەفرەزەیەکى بەشى پۆلیسى دارستانى سەیدسادق دەرچونێکیان ئەنجامداوە بۆ ناو دەریاچەى دەربەندیخان، لەئەنجامدا توانیویانە هاوڵاتیەک لەکاتى راوکردندا دەستگیر بکەن.
پۆلیس ئاماژەی بەوەشکردووە، دەستگیراوە بەسەر یەک بەلەم و دوو تۆڕ و هەشت ماسى راوکراودا.
ئێستا پەڕاوى لێکۆڵینەوە بۆ دۆسیەکە رێکخراوە بۆ دادوەرى لێکۆڵینەوە بەمەبەستى وەرگرتنى ڕرێکارى یاسایی.
بە بڕیاری وەزارەتی کشتوکاڵی هەرێم لە رۆژی 20.3.2025 تاوەکو 20.6.2025 قەدەغەی راوەماسییە لە چەم و رووبار و دەریاجەکان، بەو پێیەش بێت تەنیا 4 رۆژی ماوە قەدەگەکە هەڵبگیرێت.
