لە زاویتە زیاتر لە 100 مین تەقێندرانەوە

964+
هەژین رێکانی

ئەمڕۆ پێنجشەممە، لە گوندی رەشێورێ لە ناحیەی زاویتەی دهۆک 103 مینی جۆراوجۆر لەناوبران و تەقێندرانەوە.

بەڕێوەبەرایەتی گشتیی کاروباری مین لە پارێزگای دهۆک و تیمی لەناوبردنی مین و تەقەمەنی (EOD) بە ئەنجامدانی پرۆسەکە هەستاون.

ئەو مین و تەقەمەنییانە لە ناوچە جیاجیاکانی پارێزگای دهۆک کۆکرابوونەوە.

پارێزگای دهۆک ژمارە 183ی دیاریکردووە بۆ ئەوەی هاوڵاتیان پەیوەندی بکەن ئەگەر هات و مەترسییەکی پەیوەندیدار هەبوو بە مین و تەقەمەنییەوە.

پێداچوونەوە: هێمن بەکر