پیاوێک لە سەردەمی زێڕینەوە

964+

دیلان محەمەد – سلێمانی

گەڕۆکێکی جیاواز و دەگمەن کە باری دەستی رۆژنامەیە هێشتاو دوای 34 ساڵ لە پیشەکەی بەردەوامە کە رۆژنامەفرۆشتنە.

رێبوار عەبدولرەحمانی رۆژنامەفرۆش بۆ 964 وتی، لە ساڵی 1991 واتە 34 ساڵە ئەم کارە دەکات و رۆژنامە بە دەست دەگێڕێت و بەڵام مشتەری جارانی نەماوە.

ئەو دەڵێت، جاران خوێنەر زۆر بوون ئێستا نەماوە رۆژانە 10 بۆ 15 رۆژنامە دەفرۆشێت و رۆژنامەی بە 500 دینارە.

رێبوار باسی جاران دەکات کە دەیان رۆژنامە و گۆڤار لە سلێمانی دەردەچوون، بەڵام ئێستا سێ رۆژنامە لە سلێمانی هەیە.

پێداچوونەوە: توانا نەقی