سلێمانی
نزیکەی 40 دوکان لە پرۆژەیەکی نیشتەجێبوون سووتان
964+
دیلان محەمەد جەزا – سلێمانی
دەوروبەری کاتژمێر 6:00ـی ئەم بەیانییە ئاگرێکی گەورە لە دوکانەکانی پرۆژەی نیشتەجێبوونی رۆژ سیتی لە سلێمانی کەوتەوە و ژمارەیک دوکانی سووتاند.
پەیامنێری 964 چووتە شوێنی ئاگرەکە و ئاگرەکە کۆنتڕۆڵکراوە، بەڵام نزیکەی 40 دوکانی بە تەواوی سووتاون.
یەکێک لە دوکاندارەکان بۆ 964 وتی، تا ئێستا نەوتراوە هۆکاری کەوتنەوەی ئاگرەکە چییە و دوکانەکان پێکهاتوون لە دوکانی نووسینگەی خانووبەرە و دوکانی نەجاری و بابەتی دیکە.
پێداچوونەوە: توانا نەقی